२३ वर्षीया लियान ब्रेननले आफू गर्भवती भएको सुइँकोसमेत नपाई छोरीलाई जन्म दिएकी छिन् । उनी भन्छिन्, ‘गत अप्रिल १७ (सन् २०१६) तारिखमा सोफामा बसिरहेका बेला मलाई पेट दुख्यो र पेट दुखेको आधा घण्टापछि मैले एक स्वस्थ छोरीलाई जन्म दिएँ ।’
स्रोतका अनुसार पेट दुख्दा व्यथा लागेको जस्तै दुखेका कारण उनी सुरुमा त उनलाई असहज महसुस भयो । उनी त्यसपछि त आत्तिइन् पनि । लियान पहिले नै दुई बच्चाकी आमा हुन् ।
उनको जिन्दगीमा जे घटना भयो त्यसमा आफू निकै अचम्मित भएको उनी बताउँछिन् । उनी भन्छिन्, ‘मसँग जे भयो त्यसलाई मैले अहिलेसम्म पनि विश्वास गर्न सकिरहेकी छैन । तर यो मेरो जीवनको सबैभन्दा राम्रो सरप्राइज हो ।’
आफू एक्ली आमा भएका कारण उनले जे जति काम गरिन् गरिन् ती सबै एक्लैले गरेको जानकारी दिइन् । उनी भन्छिन्, ‘छोरीलाई जन्म दिइसकेपछि उनलाई नुहाउने क्रममा एक छिमेकीले ढाका ढक्ढकाइन् । पानीको आवाज सुनेपछि उनले म नुहाइरहेको हो भन्ने प्रश्न गरिन् तब मैले उनलाई आफूले भर्खरै एक छोरीलाई जन्म दिएको बताएँ । उनलै तत्काल एक एम्बुलेन्स बोलाएर हामीलाई अस्पताल लगिन् ।’
