मुख्य राजनीतिक दलहरुले आफ्ना माग पुरा नगरेपछि सिमानाका बन्द गर्ने आन्दोलन संयुक्त मधेसी मोर्चाले सुरु गरेपछि भारतले त्यसैलाई निहु बनाएर नाकावन्दी गरेपछि जनतालेशास्ती व्यहोर्नु परेको छ ।इन्धन, खाना पकाउने एलपी ग्यास, औषधी ठप्पै हुने अवस्थामा छन् । भारतले आफुहरुलाई हेपेको भन्दै नझुक्ने रणनीति बनाएको ओली नेतृत्वको सरकारले उत्ररी छिमेकी मुलुक चिनबाट इन्धन र अन्य उपभोग्य बस्तु ल्याएर समस्या समाधान गर्ने रणनीति अपनाएको थियो ।
त्यो रणनीति पनि अघि बढेको थियो । तर, चीनले करको विषयमा कुरा नमिल्दा हस्ताक्षरका लागि तय भएको मितिमा सम्झौता नगर्ने बताएपछि अहिले समस्या झन बल्झिने देखिएको छ ।यता, भारतले पनि आफ्नो विकल्प चीनलाई खोजेको भन्दै झन कडा बन्दै गएको छ । त्यसको प्रभाव केहि दिन पहिलासम्म खुकुलो रहेका नाका पछिल्ला दिनमा विस्तारै कडा हुदै गएका छन् ।
भारत झन कडा बन्दै गएको तर, चीनले सम्झौता गर्न इन्कार गरेपछि प्रधानमन्त्री ओली र सरकार भने तनावमा रहेको स्रोतहरु बताउछन् । मधेसवादी दलहरुसंगको बार्ता पनि निष्कर्षमा नपुग्ने, भारतले
पूर्ण रुपमा नाकावन्दी गरेर मुलुक तहसनहस हुने तर, सरकारले आफ्नो दायीत्व पुरा गर्न नसक्ने अवस्था आएपछि प्रधानमन्त्री तनावमा रहेका हुन । उनले आफ्ना निकटहरुसंग कसरी समस्या समाधान गर्ने भन्ने आफुले सोच्ने नसकेको बताउने गरेका छन् । प्रधानमन्त्री ओलीले हिजो सार्वजनिक कार्यक्रममा नै आफु नेतृत्वको सरकारको दिनगन्ती सुरु भैसकेको बताएका थिए ।
