मकवानपुर, १६ साउन । मकवानपुरको मनहरी–३ स्थित रमनटारमा आइतबार बिहानै बस दुर्घटनामा परी ९ जनाको मृत्यु भएको छ ।
काठमाडौंबाट गाइघाटतर्फ गइरहेको ना ५ ख ५०५५ नम्बरको बस र काकडभिट्टाबाट काठमाडौं गइरहेको ना ५ ख ४०६४ नम्बरको बस एक आपसमा जुध्दा ९ जना यात्रुको मृत्यु भएको छ भने ३१ जनाको घाइते भएको प्रहरीले जनाएको छ ।
प्रहरीका अनुसार मृत्यु हुनेमा ६ जनाको घटनास्थल, २ जनाको अस्पताल लैजाने क्रममा र एक जनाको उपचारका क्रममा भएको हो ।
मृतकमहरूको पहिचान खुलिसकेको छैन।घाइतेहरूको हेटौंडाको चुरेहिल अस्पतालमा उपचार भइरहेको छ। घाइतेमध्ये चार जनाको अवस्था गम्भीर छ ।
